Zer da Banden Lehia?

Banden Lehia Azkue Fundazioak sortutako lehiaketa da, euskal musika sustatu eta talde berriei hauspoa emateko helburuak dituena. Txapelketa honek euskarazko musika sustatzea du helburu eta bandarik entzutetsuena sarituko du.

2015ean Banden Lehiako zazpigarren edizioa ospatzen dugu eta bai taldeen maila eta bai irabazlearentzako sariak asko hobetu dira urte hauetan.

Lehiaketak bi fase ditu:

Internet bidezko sailkapena

Lehenengo batean internet bidez burutzen da sailkapena. Taldeek interneten izena ematen dute BandaBeat euskarazko musika taldeen zerbitzuan sortutako atarian eta ondoren webgune honetan lehiaketarako apuntatu beharko dira.Taldearen jarraitzaile eta publikoak internet bidez bozkatuko du. Beraz, taldeek ezagutzera eman beharko dute lehiaketan parte hartzen ari direla eta euren aldeko botoak eskatu.

Boto gehien lortzen duen taldea finalerako sailkatuko da automatikoki.

Epaimahaiak beste hiru talde aukeratuko ditu eta lau talde finalista hauek zuzeneko ekitaldian arituko dira finala egunean.

Zuzeneko finala

Publikoaren botoei esker sailkatutako taldea eta epaimahaiak aukeratutako beste hirurak zuzeneko emanaldi bat eskainiko dute. Egun horretan bertan erabakiko da zein izango den Banden Lehia 2015eko talde irabazlea.

Emanaldi hori ikusten publikoa eta epaimahaikideak izango dira. Publikoak zuzenean bozkatuko du eta honen emaitza erabakiaren %40a izango da; beste %60a epaimahaiaren iritzia kontutan hartuta erabakiko da.

Zazpigarren edizio honetako finala Bilborocken ospatuko da, azaroaren 27an.

Zer egin behar da parte hartzeko?

Euskaraz jotzen duzuen taldea bazarete, Banden Lehian parte har dezakezue.

Pausu hauek jarraitu:

  1. BandaBeat atarian taldearen profila sortu.

  2. Zure musika argitaratu.

  3. Banden Lehia Parte hartu! Botoia sakatu.
    Webgune honetan Bandak atalean agertuko da zure taldea eta musika zuzenean entzungai izango da.

  4. Has zaitezte zure jarraitzaile eta lagunei botoa eskatzen!

Animatu zaitezte! Aurten sariak inoiz baino desiragarriagoak dira.